که‌مکردنه‌وه‌ی نرخی بلیته‌کانی جامی جیهانی

له‌ پێناو به‌رزکردنه‌وه‌ی  ژماره‌ی ئاماده‌بوونی هانده‌ران له‌ نێو یاریگاکانی جامی جیهانی که‌ تا ئێستا له‌ ئاستی پێویست نیه‌ یه‌کێتی تۆپی پێی جیهان بڕیاریدا نرخی بلیته‌کانی ئاماده‌بوون له‌ یاریه‌کان  ته‌نیا بۆ دانیشتوانی باشوری ئه‌فریقا دابه‌زێنێت بۆ ٢٠ دۆلار .. شایه‌نی باسه‌ تێکڕای بلیته‌کان ده‌گاته‌ ٢.٩ ملیۆن بلیت و له‌و بڕه‌ش ٣١٩ هه‌زاری بۆ دانیشتوانی ناوخۆ ته‌رخانکرابوو به‌ڵام به‌رز کرایه‌وه‌ بۆ ٨٤١ هه‌زار بلیت واته‌ به‌ ڕێژه‌ی ٢٩% .. فیفا نیگه‌رانی خۆی له‌که‌می فرۆشتنی بلیته‌کان ده‌ربریوه‌ و به‌گوێره‌ی شاره‌زایان چاوه‌ڕوانده‌کرێت که‌متر له‌ ٤٠٠ هه‌زار که‌س بگه‌نه‌ ئه‌و وڵاته‌ بۆ ئاماده‌بوون له‌ یاریگاکان